Accidente cu chofer sin seatbelts bisti na cruzada bandi Maria College tin su bida colga na un hilo

Diadomingo atardi a drenta informe di un accidente basta serio na e cruzada Dominicanessenstraat Van Leeuwenhoekstraat, mesora a dirigi tanto polis como ambulans na e sitio. Un paramedico di servicio di ambulans cu tabata cerca a yega mesora y a bati alarma cu aki ta trata di un accidente pisa y e victima ta seriamente herida. Na yegada di e patruya a bin compronde cu e chofer di e Toyota Tercel berde A22083 cu tabata bini di pabao den Dominicanessenstraat no a para pa duna preferencia na e chofer di e Altezza shinishi A30731 cu tabata bayendo nort den Van Leeuwenhoekstraat. E impacto tabata fuerte y e chofer di e Tercel cual no tabata tin su safetybelts bisti a ricibi un golpi basta fuerte na su nek cual por coste su bida. Door di e impacto fuerte e chofer a keda pega den auto y a solicita presencia di e equipo di rescate di bombero na e sitio. E dama ocupante di e Altezza tambe a aresulta herida. Na yegada di e equipo di rescate di bombero mesora a bay over na corta e porta di e auto pa asina logra saca e victima. Na yegada di ambulans mesora a tuma e victima over y a transporte cu urgencia pa hospital. Na yegada di e otro ambulans nan a atende e dama ocupante di e Altezza y a transporte pa hospital tambe. Na yegada di e chofer di e Tercel na Hospital a nan a interne den cuido intensivo .Nos lo sigui informa......