Hende ta biba den un graf den cura di santana pa 3 luna caba, ta ken ta cuida santana anto?

Diadomingo dia di Mama un persona cu a bay bishita su ser keri na Santana ta haña e susto di su bida. Ta asina cu ora e tabata den Santana ela wak un persona sali for di un Graf, ora ela wak bon no tabata spirito,sino un persona bibo. Asina ela tuma contacto cu medionan di comunicacion y a conta kiko ela wak. Nos reportero a yega na e sitio y ta bin haña un situacion cu mayoria vez ta ariba television so bo ta wak y na otro parti mundo y no aki na Aruba. Ta asina cu enberdad tin un persona bibando pa algun tempo caba den e graf aki. Eyden e tin cusinchi nan y su corchon cu ta net e midi di e graf. E persona aki ta miho conoci como Falconi,ela a conta nos reportero cu e no kier stroba su tata na cas y cu ta pesey e ta biba eyden. Tin biaha e ta bai su cas si bay baña. Ela conversa basta cu nos reportero over di su adiccion na base y cu aki na Aruba nan trahe y cu e jama “baranca criyoyo”. Na momento cu nos tabata eynan ela pasa man pa su lighter y dal un huma den e graf. No ta conoci exactamente di kende e graf aki ta y si tabata tin un curpa eyden prome cu ela bay biba eybao. Un situacion hopi alarmante bo por bisa mirando e hygiena y tambe basta artefacto pa uso di base, un holor hopi desagradabel tabata tin eynan. E cura parti zuid di e Santana un parti ariba ta kibra y di eynan e ta drenta bay den e Santana cu e ta jama su cas. Instancia nan concerni mester actua awor pa evita cu chollernan lo invadi mas santana y busca cualkier graf of kelder medio habri saka loke tin den nan pa nan tin un luga di drumi anochi y usa nan base. Esaki ta nos Aruba 2012 y no ta Discovery Channel of National Geographic. Esaki ta e realidad.
Preguntanan cu ta surgi ta, con bini ningun hende no sa of a reporta e situacion aki na autoridad? Ken ta responsabel pa cuida di e santana? Dikon autoridad no ta actua???