Chofer no a para pa duna taxi preferencia riba Sasakiweg na e cruzada pa bay hospital
Seccion: incidente
Diamars atardi a drenta informe di un accidente cu hende herida na e cruzada pa bay hospital na Sasakiweg, mesora a dirigi tanto polis como ambulans na e sitio. NA yegada di e patruya a bin compronde cu e chofer di e Toyota Corolla blanco A30430 no a para pa duna preferencia na e Toyota Camry TX 71 y e taxi a bin dal riba dje. E impacto tabata fuerte y e chofer di e Corolla a resulta herida. Na yegada di ambulans nan a atende e victima y a transporte pa hospital. E taxista tambe a resulta herida y tabata keha di dolor na su brasa.
