Accidente fatal na riba e caminda di Piedra Plat pa Santa Cruz, Esaki ta e 10 victima fatal di trafico

Diasabra madruga a drenta informe di un accidente pisa y fatal na piedra Plat, mesora a dirigi tanto polis como ambulans na e sitio. Na yegada di e patruya a nota cu e chofer ta pega den e auto y ta rekeri equipo di rescate di bombero na e sitio. NA yegada di ambulans a bin nota cu e chofer no ta duna señal di bida y asina a solicita tur instancia concerni na e sitio.

Relato policial relaciona cu e accidente fatal di awemainta, e melding a drenta mas o menos 05:00 ora cu, cerca di e entrada cu ta hiba na Santa Rosa, riba e caminda di Piedra Plat, un auto lo a accidenta y cu tin un persona pega den e auto, pero no ta duna señal di bida. Na yegada en berdad esaki tabata e caso. Bomberonan a lucha pa saca e victima for di den auto A-54981 (Jeep Cherokee berde) y un rato despues Dr. Lin a constata morto di e chauffeur

Gershwin Gensley Dania
Ar. 10 di Maart 1979

biba Piedra Plat 103

Fiscal Vreeling a duna ordo pa tuma curpa den beslag pendiente e investigacion di e departamento di trafico di Cuerpo Policial Aruba.

Condolencia na e famia.