Hobennan rebelde tin pareha turista cu biba akinan terrorisa pa casi 1 aña, prome detencion a cay

Diabierna madruga a drenta informe di cu na un adres na Seroe Biento algun hoben ta bombardea un cas cu piedra y botter te cu nan a herida e pareha, mesora a dirigi un patruya na e sitio. Na yegada di e patruya a bin compronde cu aki ta trata di un pareha di Canada cu a bin biba na Aruba pa goza di nan pensioen bon mereci pero cu for di aña pasa caba cu hobennan terrible den e bario tin nan mortifica y terrorisa guerando nan cas cu botter y piedra. Diabierna madruga esaki tabata e caso atrobe e hobenan baldadi aki a bolbe guerra e cas cu piedra y a destrui windshield di e auto ora e pareha a sali pafo nan a ser herida un na cabes y e otro na su man. E pareha a relata cu ela bay diferente caminda pa pidi yudansa pero sin resultado, ela bay F.C.C.A., polis, recherche, ministerio publico, Comisario Trudy Hassel y algun otro mas pero nada. Durante aña nobo un batayon di polis a presenta na e adres ey pa e mesun situacion pero no a logra haya e terroristanan, pero e biaha aki e polisnan atento di Santa Cruz a sigui persevera y no a give up pa rondea den e area. Mientras polis presente mes e piedra y botter tabata ser tira, polis a busca y a logra topa cu un di e sospechosonan y a bay cune warda. Ban spera awor aki si e pareha por haya trankilidad.