Dokter femenino no tabata kier pa prensa saca potret di accidente di su yiu na Balashi

Diabierna madruga a drenta informe di un accidente riba e caminda di Franse Pas pa cruzada di Mondi Fierno, mesora a dirigi un patruya na e sitio. Na yegada di e patruya a bin constata cu e pick-up Mitsubishi double cab shinishi den Franse Pas bayendo nort cu velocidad halto na e bocht prome cu yega e cruzada di Mondi Fierno a baha caminda na man drechi y a bay dal riba mata di kwihi. E hoben chofer a haya algun sla pero no tabata desea presencia di ambulans ya cu su mama ta dokter y a yega na e sitio y a atende eynan mes. E mama kende ta un conocido dokter no tabata kier pa prensa a saca potret di e accidente, pero polis a informe di cu prensa tin su trabao pa haci y e fotografo tabata ejerciendo su trabao y cu no mag strobe.