Accidente fatal na Savaneta auto a dal un peaton y despues un otro auto a pasa riba victima

Diamars anochi a drenta informe di cu un auto lo a dal un persona y un otro auto a pasa riba e victima, mesora a dirigi tanto polis como ambulans na e sitio. Na yegada di e patruya a bin topa cu e victima seriamente herida benta riba caminda. Segun por a compronde e Toyota Tercel lo a dal e peaton y a sigui core bay mientras un otro auto a pasa riba dje. Na yegada di ambulans mesora a atende y a transporte cu sumo urgencia pa hospital. Na yegada na di e ambulans na hospital no a keda nada otro cu Dr. van Overbeek constata cu e victima v.d. L. a fayece. Aki un rato mas imagen y informacion.

Relato policial:
Pa mas o menos 23:30 ora Central di Polis ta wordo notifica cu un auto lo a dal un peaton na haltura di Wintergarden Supermarket na Savaneta. Na yegada patrouillenan di Sanicolas ta bin encontra un victima riba caminda cu su situacion ta hopi grave. Ambulance ta transporta e victima den un estado hopi delicado pa hospital pero tabata teme pa su bida.
Na yegada, pa mas o menos 23:52 ora Dr. Van Overbeek ta constata morto di e  victima, e homber:
Juan Ricardo Van Der Linde
Nasi na Aruba dia 31 Maart 1960.
su adres ta desconosi te na e momentonan aki.
Departamento di trafico ta investigando e caso aki. Informacion preliminar ta indica cu probablemente e Toyota Tercel blanco (numera A-9219), cu tabata bayendo direccion San Nicolas, lo a dal e victima ora ela cruza caminda su dilanti. E pickup Chevrolet S-10 shnishi A-11717 (bayendo direccion Oranjestad) lo a pasa riba e victima net despues di e impacto inicial.
Condolencia na e famianan di e fayecido.