Yiu a comete destruccion na cas di su mama, y ta pega e cas na candela cu su mama aden drumi
Diahuebs madruga a drenta informe di un caso di cu un yiu ta destruyendo tur cos na un cas na Jan Flemming , mesora a dirigi un patruya na e sitio. Na yegada di e patruya a bin constata cu e cas ta na candela mesora a solicita presencia urgente di bombero na e sitio. Ora polis a busca mas informacion a bin compronde cu bisiñanan a logra salba e mama for di e cas cu tabata kimando mientras e yiu mes a bandona e sitio den un Toyota Corolla blauw/biña cu glasnan scur. Mirando cu e mama a ricibi kemadura a solicita presencia di ambulans na e sitio. Na yegada di ambulans nan a atende e dama y a transporte e dama cu tabata tin kemaduranan na su cabey, cabez y lomba. Recherchenan a ser avisa y tambe slachtofferhulp tambe a presenta na e sitio. E cas mes a kima por completo y tambe un auto a ser pega na candela. Informacionnan cu nos a ricibi cu aki lo ta trata di un yiu problematico adicto y cu ta afilia na un gang y tin su mama terroriza y cada biaha e ta bay pidi su mama placa y ora cu e no haya e ta mortifike. Dimes cu e mama tin problema cu su salud y tin di pasa bao di e stress aki. Aki un rato video y tur foto di e suseso aki.
