Na cruzada pazuid di Drive Inn chofer a desvia pa un otro auto y a perde control bay dal riba palo di lus

Dialuna madruga a drenta inform di un accidente na e cruzada pazuid di Drive Inn, mesora a dirigi un patruya na e sitio. Na yegada di e patruya a bin compronde cu e chofer di e Honda geel A19360 tabata biniendo di pabao bayendo pariba y na un dado momento un auto cu tabata bini di Santa Cruz lo a sali su dilanti, esaki a pone cu e chofer mester a brake y desvia y esaki a pone perde control bay di banda dal na e palo di e lusnan di trafico y despues dal riba un baranca. Afortunadamente ningun hende a resulta herida.