Na subida di Seri Teisji, dama chofer a perde control bolter y drenta mondi

Dialuna madruga a drenta informe di cu un auto lo a bolter y a drenta mondi na Seri Teisji, mesora a dirigi tanto polis como ambulans na e sitio. NA yegada di e prome patruya a bin tuma nota cu e auto ta basta hinca den mondi y ta dificil pa yega na dje y a solicita presencia di tanto materialewagen como tambe e takelwagen di Papito Towing. Na yegada di e persona di ambulans nan a nota cu nan no por yega na e victima y a pidi pa saca e auto for di den e mondi sera. Na yegada di e takelwagen di Papito Towing mesora cu cuidao a logra saca e auto y asina por a yega na e dama chofer pa dune tratamento y despues transporte pa hospital.