Dama peaton a fayece despues di cu auto a dal e den Caya G.F. Betico Croes

Diamars anochi a drenta informe di un accidente serio riba
Caya Betico Croes un poco pabao di Quick Store na Tarabana, mesora a dirigi tanto polis como ambulans na e sitio. Na yegada di e patruya abin compronde cu e Hyundai Santa Fe Color blanco a dal un dama y ta esaki ta keda seriamente herida. E dama segun nos por a constata na e sitio ambos pia a keda mal kibra y e tabata keha di hopi dolor mes. Na yegada di e ambulans nan a atende e victima y a transporte cu sumo urgencia pa hospital. Mirando e gravedad y e situacion di e victima mesora Polis a sera e caminda pa asina cuminsa haci nan investigacion.
Mientrastanto ambulance a avisa hospital na su turno cu nan ta biniendo cu un persona seriamente herida. E chofer di e Santa Fe Blanco ta e conocido Abogado Chris Lejuez, cual a keda hopi emociona despues di e susedio.
E persona ta ser alcansa pa e Santa Fe parti robes dilanti , esta
banda di e chofer. Un rato despues a drenta informe di cu e victima a fayece na hospital. Esaki ta e prome victima di accidente fatal pa e aña aki.

UPDATE: ‎​A logra haya e nomber di e victima di e accidente fatal. Su nomber ta: Marie I. Jean-Louis, nasi na Haiti. E no tin famia na Aruba pero tin hopi aña biba aki y tin paspoort Hulandes. Ela wordo reconosi pa amigonan y bisiña. Paz na su restonan y forza na e famia y amigonan. E tabata di bay biaha diaranzon pa su tera natal pa bishita famia. Di parti awe24.com nos ta manda palabranan di condolencia na famia di e fayecida.