Motociclista gravemente herida den un accidente banda di Royal Plaza a bin fayece den oranan di mainta

Diasabra madruga a drenta informe di un accidente cu hende herida banda di Royal Plaza, mesora a dirigi tanto polis como ambulans na e sitio. Na yegada di e patruya a bin compronde cu e auto Mitsubishi Lancer A4414 bayendo pabao a hala bay na man robez y a bay dal frontal riba e brommer MFA 173 cu tabata bini di pabao. Na yegada di e ambulans mesora a atende e victima y a transporte den situacion hopi critico cu urgencia pa hospital. Diasabra mainta a drenta e tristo noticia di cu e motociclista Kevin Randall Richardson naci na Aruba 28 di mei 1956 y tabata biba na Siribana 20L a fayece debi na e multiple golpinan ricibi na cabez y na su curpa. Kevin tabata un empleado di e Cuerpo Especial Arubano. Na famianan di e fayecido ta bay nos mas sincero palabranan di condolencia.