Hoben coriendo cu velocidad halto a perde control, bolter y a fayece na Palm Beach

Diabierna madruga a drenta informe di un accidente hopi serio banda di Valero Palm Beach, mesora a dirigi tanto polis como ambulans na e sitio. Na yegada di e patruya a bin compronde cu pa un motibo of otro un chofer coriendo cu velocidad halto a perde control y a bolter. E impacto tabata asina fuerte cu e hoben chofer a keda pega den e auto. Pa mas of menos 1or y 45 Dokter Yagua a constata morto. Informacion extra oficial cu nos a ricibi ta indica cu aparentemente e victima lo tabata participando den un pusta mento ora cu diripiente su wiel banda drechi a dal na e rand di acera y a perde control bolter dal riba un pida beton basha panort di caminda bay halto bay otro banda di caminda dal riba un palo di lus y despues bay para bek riba caminda. E victima a keda pega den e auto cu a keda total loss y tabata tin pulso hopi abao. E victima J.M. tabata coriendo cu e Glanza A46764 na faminan di e fayecido ta bay nos mas sincero palabranan di condolencia.