Situacion ta frega pero esaki si no por, dama malo di salud bibando basta luna sin awa y sin coriente

Diaranzon mainta a drenta informe di cu tin un dama di edad cual ta malo di salud bibando cu un mucha chikito den un situacion nada bon y pa varios luna sin awa y sin coriente, mesora a dirigi un patruya na e sitio pa wak e situacion y pa comproba si esey ta e caso. Na yegada di e patruya a bin encontra cu un situacion inhumano unda no tin awa ni coriente. E dama ta un paciente cu a ser opera na su wowonan y no por sali afo pa no afecta su bista. Polis a purba wak si por resolve su situacion indicando e dama e pasonan cu e mester tuma pero e dama mes a bisa cu ela fada ya cu na ningun instancia ni gobierno a yude. E caso tristo aki ta sosdiendo den Oranjestad. Nos di nos banda nos a avisa Rode Kruis di e situacion aki pa wak cu kiko nan por asisti e dama aki cun'e.