Homber Colombiano dispara cu 5 tiro na un cas na Bubali, na su yegada na hospital ela fayece

Diasabra anochi a drenta informe di un caso di tiramento na Bubali, mesora a dirigi tanto polis como ambulans na e sitio. Na yegada di e patruya a bin compronde cu e victima un Colombiano cu ta kedando temporalmente akinan a ser dispara como 5 biaha y a keda seriamente herida. E oficialnan a pidi e ambulans cu mas urgencia. Na yegada di e ambulans mesora a atende e victima y a transporte cu urgencia den un situacion critico pa hospital. Na su yegada na hospital no a keda nada otro cu constata cu ela fayece. Informacion inoficial cu nos a ricibi aki lo ta trata di un tal "El Compa". mediante esaki nos kier confirma e identidad di e victima di tiroteo di ayeranochi na Bubali. E nomber di e victima ta:

Eduardo Fiallos Amaya naci na Colombia 21 di april 1968 y tabata keda na Bubali 20 F. Ela ricibi cinco impacto di bala y a fayece como consecuencia di esaki na hospital. Ela bini Aruba aña pasa na oktober.
Recherche ta trahando riba e caso y ta welkom cualkier informacion relaciona cu esaki. Mucho mas nos no por bisa na e momento aki.