Bomberonan ta paga candela den un cas inhabita y diripiente ta wak un muher core sali bay

Diamars merdia a drenta informe di un candela na un cas no habita den Oranjestad, mesora a dirigi un unidad di bombero na e sitio. Na yegada di e bombero nan a bin constata cu aki ta trata di un candela den un di e cambernan di e cas. Mientras nan ta pagando e candela diripiente nan ta tende un sonido y ta wak un muher core sali for di e cas. Pa cual motibo a yama avisa polis mesora di e asunto aki, paden di e cas mes ta full un desaster yena cu sushedad y varios mancha di candela aki y aya. Polis di barrio tamba a bay na e sitio pa asina tuma pasonan necesario.