Chofer coriendo sin ningun papel regla di e auto a tuma bocht mucho aden causando un accidente

Diasabra anochi na e crusada panort di Yuxia un Toyota LandCruiser biniendo di panort duro y ta coy su bocht aden y a dal un auto di famia biniendo di pariba. E chofer di e auto blauw a haya poco rasca di e glas nan cu a bula ariba dje den e impacto. Den e vehiculo blauw tabata tin un hobencita tambe cu tabata sinta patras cu a sali ileso. E LandCruiser no tabata tin ningun papel na ordo. E la wordo confisca y hiba warda di Balashi aunke cu e doño a purba convence otro partido pa pone e vehiculo den nan cura ya cu e no tin trabou y e lo bende e motor pa por haya placa pa asina paga e daño cu e la causa. Pero e otro partido a bisa laga e asunto den man di polis.