Hortamento di tubo na Jamanota, polis casi a captura e ladronnan cu a core bay.

Diahuebs atardi a drenta informe di hortamento di tubo di koper na Jamanota, mesora a dirigi 2 patruya na e sitio. Na yegada di e patruyanan banda di un cunucu nan a wak 2 sospechoso core drenta mondi y desaparece. Den nan ansha pa core pa polis nan a laga pik cu shobel y tambe un celular BlackBerry atras. Polis a busca den vecindario pero e mondi tabata demasiado grandi. Nan tabata tin mas o menos 8 lengt di tubo cu nan a saca for di bou di tera. Nan a corta parti di e tubo y bati esun cu ta bin di WEB cera pa e awa no core. Si nan a logra bay cu e tubonan nan lo a bay cu tubo na balor di 1600 florin mas o menos.