Hues comisario a prolonga detencion di dama chofer cu a ocasiona accidente fatal dialuna

Diaranzon mainta a presenta dilanti hues comisario e dama Sharda N. kende ta deteni como sospechoso di a dal un peaton mata cu auto riba Belgiestraat y sigui core bay, esaki estando bao influencia di alcohol. Despues di a revisa e documentonan di e investigacion huescomisario a bay di acuerdo cu fiscal pa asina prolonga detencion di e dama.

Nota di redaccion: algun hende ta bruha un caso cu otro p.e. e caso na Pos Chiquito unda un jovencita decendencia Chines a perde su bida, mester tene na cuenta cu e dama chofer NO tabata bao influencia di alcohol. Polis ta haci su maximo esfuerzo pa controla, detene y duna boet na tur cu ta stuur bao influencia di alcohol. Berdad cu esnan cu a fayece den un accidente fatal bo no por trese nan bek na bida pero bo mester pone mas atencion pa cu e problematica di stuur bao influencia.

p.s. na nos humilde comentaristanan nos ta suplica boso tene boso mes na e margen di respet y por fabor no usa lenguajenan obsceno riba e websita aki. Nos ta compronde boso dolor y sufrimento pero tene e site aki uno di nivel. Respeta opinion di otro ta paz!