Dama chofer a sigui straight sin duna preferencia pa bay drenta verboden y haye den accidente

Diabierna mainta a drenta informe di un accidente cu hende herida na e cruzada banda di Filomena College, mesora a dirigi tanto polis como ambulans na e sitio. NA yegada di e patruya a bin compronde cu e dama chofer di e Toyota Tercel blanco A53795 cu tabata bini di nort sin para ni duna preferencia a bay pa sigui straight zuid den verboden pero e Toyota shinishi cu tabata bini di pabao cu preferencia a dal riba e Tercel y manda esaki bay dal riba un Nissan Sentra cu tabata para na e cruzada wardando su turno pa sigui. E impacto tabata dobbel y fuerte anto e dama chofer di e Tercel a resulta herida kehando di dolor na su pecho ya cu ela dal riba e stuurwiel pasobra e no tabata tin su faha di seguridad bisti. NA yegada di ambulans nan a atende e victima.