Ladronnan a kibra drenta horta den 3 cas na Modanza Green Park y polis no a presenta mes

Diamars mainta un dama a topa un patruya y a notifica nan cu ladronnan a kibra drenta horta na 3 cas na Modanza Green park. Mesora e patruya a bay tira un bista y enberdad nan a compronde cu e dia prome un di e bisiñanan a yama polis cu nan a kibra drenta horta na su cas pero pa un motibo of otro polis no a bay na e cas of no a logra haya e cas y e doño of esun cu ta biba den e cas a warda te 1 or di madruga y a fada y e mes a drecha e daño y a bay drumi. Mientras e ora ey un otro bisiña a bisa cu nan a horta den su cas y un otro cas. Polis a solicita e departamento technico y recherche pa sigui cu e investigacion.