UPDATE: Persecucion formal a termina cu resultado fatal na Papaya pa Sandro Quandt

Diahuebs madruga a un patruya a atento a nota un auto coriendo na un forma peligroso riba caminda y tabata actuando sospechoso, mesora e polis a dune señal pa e para y e auto a para pero despues a primi trott y a sigui core bay pasando Tanki Leendert drenta Papaya unda eynan e patruya a P.I.T. manouvre (fishtail) e auto cu a logra para e persecucion. Eynan e polisnan a bay pa atende cune unda e chofer a resisti su detencion y ora a pone na boei esaki a haya algo manera un ataka y a dal abao. Ora polis a nota esey a solicita presencia di ambulans mesora cu urgencia, mientras a inicia cu C.P.R. resuscitacion cardio pulmonar te na yegada di ambulans ora a tuma e victima over y a bay cune cu sumo urgencia pa hospital. Na yegada na hospital no a keda nada otro cu constata cu e chofer a fayece. Demas autoridadnan a ser poni na altura di e caso aki.

Update
Landsrecherche tin e caso. Esaki ta procedura normal ya cu e sospechoso lo a bira malo den custodia di Polis y despues fayece na Hospital. Investigacion medico mester determina precies e motibo di su fayecimento y investigacion judicial lo determina si tur protocol operacional a wordo sigi segun regla.
Internamente ta poniendo tur cos oficialmente riba papel y cooperando cu e investigacion di Landsrecherche 100% pa pa asegura e transparencia.
Mester spera e resultado di e investigacion con pa sa precies con e caso aki a tuma lugar. Slahtofferhulp di polis ta brindando sosten y guia na e famia.

Su nomber ta

Sandro Giovanni Angello Quandt
naci na Aruba dia 5 di juni 1970
y tabata biba na Pos Chiquito 59-C

E investigacion ta den man di Landsrecherche.
Di parti Cuerpo Policial nan ta manda palabra di pesame na e famia di e fayecido.