Dak di trailer cu tabata ser transporta a lanta y a bay cay riba un cura na Boegoeroei

Diabierna merdia a drenta informe di cu un dak a bula bay dal riba un cura na Boegoeroei, mesora a dirigi un patruya na e sitio. Na yegada di e patruya a bin encontra cu e dak benta canto di caminda. Segun testigonan e dak aki a lanta bula for di un truck blanco cu tabata lastrando un trailer cu un container color oranje y cu e biento fuerte ela ser benta un banda. E chofer di e truck mes a sigui core bay manera nada a pasa. Afortunadamente no tabata tin ningun persona para na e parti ey unda hopi hende sa para warda bus.