Accidente frontal cu impacto basta fuerte a saca chofer for di auto mande memey caminda na Malmok

Diasabra madruga a drenta informe di un accidente cu hende herida na Malmok, mesora a dirigi tanto polis como ambulans na e sitio. Na yegada di e patruya a bin topa cu un hoben benta memey caminda y un dama bastante herida den e Nissan Sentra blanco A24403 cual lo a bay dal frontal un banda riba e Toyota Rav4 color silver A18865 den cual tambe tabata tin 3 persona herida. Mirando con e victimanan a keda a den e autonan a solicita presencia di e equipo di rescate di bombero na e sitio. Na yegada di e 3 ambulansnan nan a atende e victimanan y a transportanan cu urgencia pa hospital. E investigadornan technico y e specialista di trafico a ser solicita na e sitio mirando e seriedad di e accidente aki.