3 hende herida den accidente na cruzada banda di santana na Paradera

Diamars mainta a drenta informe di un accidente cu hende herida na e cruzada banda di e santana na Paradera, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Chevrolet Spark blauw A29929 cu tabata bini di nort pa bay zuid no a para pa duna preferencia na e Toyota Tercel berde A48304 cu tabata bini di pabao bayendo pariba. E impacto tabata fuerte y 3 hende a resulta herida, e dama chofer di e Spark, y 2 mucha cu tabata den e Tercel. Na yegada di ambulans nan a atende e victimanan na e sitio mes.