Polis a bay intermedia den pelea entre pareha turista pero e dama no kier entrega keho

Diaranzon madruga a drenta informe cu riba e caminda di Palm Beach tin un pareha turista pleitando cu otro memey di caminda y cu hasta e dama a ser maltrata pa su pareha, mesora a dirigi un patruya na e sitio. Na yegada di e patruya e dama a declara si cu nan tabata tin un discucion despues di a sali di Lekker y durante esaki e man di su pareha lo a alcanse pero e no tabata desea di entrega keho. E motibo di e pleito tabata djies cu e dama kier a cana bay pia abao su hotel y no kier a subi den e auto. Polis a tuma nan datonan y na cual hotel nan ta hospedando pa si pasa cualkier otro cos.