Polis a detene homber agresivo cu no kier a razona y tabata crea problema na Palm Beach

Diaranzon mainta tempran a drenta informe di cu na un cas na Palm Beach lo tin un homber cu a bira furioso y agresivo y cu no kier a razona, mesora a dirigi un patruya na e sitio. Na yegada di e patruya nan a purba di papia cu e homber agresivo aki pero e no tabata kier a razona y polis a haya nan mes obliga di detene e homber aki y a hibe na warda di polis.