Muchanan di Caiquetio School a haya informacion di e celebracion di Dera Gai

Diaranzon 20 juni 2012 Scol Caiquetio tabata tin e honor di ricibi departamento di Cultura un biaha mas! Y asina huntu celebra e fiesta di Dera Gai. Nan a ricibinan cu man habri mirando e importancia di nos tradicion e fiesta di San Juan. Nan a entretene tur esnan presente cu diferente actividad e.o. Baile, historia di Dera Gai, wega gara e bandera, competencia di grito di gai y galina y naturalmente e musica no por a keda afo, e banda e deleita nos cu musica tipico manera wals y danza.

E maestronan y alumnonan a gradici "Departamento di Cultura" pa e mainta agradabel y educativo. Tambe nan ta gradici e departamento di prevencion di e Bombero cu a concientisa e muchanan tocante e consequencia di sendemento di candela ariba e fecha aki 24 juni. Y cu nos no mester celebra e dia aki cu candela.

Ban sigi celebra nos dushi fiesta " Dera Gai " of yama tambe " San Juan" pa asina nos cultura nunca no bai perdi.