Polis a confisca auto di dama chofer cu tabata core cu auto sin seguro y a ocasiona accidente

Diamars mainta a drenta informe di un accidente pabao di Glenns Take Away na Tanki leendert, mesora a dirigi un patruya na e sitio. Na yegada di e patruya a bin compronde cu e dama chofer di e Suzuki Baleno blanco no a duna preferencia na e Toyota Corolla Stationwagon blanco y nan a dal den otro. Ora cu polis tabata atendiendo e accidente a bin descubri e cu Suzuki Baleno no tabata tin aseguro pa cual motibo polis a dicidi di confisca e vehiculo aki. Afortunadamente ningun hende a resulta herida.