Accidente pa mal estado di caminda banda di Divi Links, chofer di bus cu Whiplash

Diamars atardi a drenta informe di un accidente cu hende herida banda di Divi Links, mesora a dirigi tanto polis como ambulans na e sitio. Na yegada di e patruya a bin compornde cu aki ta trata di un accidente entre 3 vehiculo. Ta asina cu debi na e mal estado di caminda cu e bus no por para na banda a haya e bus ta para riba caminda mes pa baha pasahero, su tras tabata bini un pick-up cu tabata coriendo cu atencion y a para na tempo. Pero su tras tabata bini un Lexus catan catan cu no a wak e vehiculo su dilanti y a bay dal tras di e pick-up mande un bon distancia den banda y e Lexus a sigui bay dal tras di e bus. E impacto tabata fuerte cu te laga e chofer di e bus haya un whiplash. Na yegada di ambulans nan a atende e chofer y a hibe hospital pa tratamento.