Chofer di pickup ta tuma bocht mucho na e otro banda y ta dal riba trafico contrario na Catiri

Diaranzon madruga a drenta informe di un accidente na Catiri, mesora a dirigi un patruya na e sitio. Na yegada di e patruya a bin compronde cu un pickup bayendo zuid a tuma e bocht mucho na e otro banda y a bay dal den trafico contrario. Aunke e impacto tabata fuerte afortunadamente ningun hende a resulta herida. Na yegada di nos fotografo net e pickup cu a causa e accidente ya polis a caba di atende y a bandona e sitio. E otro auto casi nobo si mester a warda riba takelwagen pa hibe ya cu e wiel dilanti banda di chofer unda a ricibi e impacto a keda destrui.