Na un cas na Tanki Leendert, destruccion, menasa cu cuchiu y te hasta a dispara cu revolver

Diamars anochi a drenta informe di cu tin un persona destruyendo tur cos den cas na Tanki Leendert, mesora a dirigi un patruya cu urgencia na e sitio. Na yegada di e patruya a bin compornde cu un persona conosi como Yunyun a yega na e cas ey y a manda un blokki paden kibra e bentana, ela zwaai un television kibre y a pasa man pa un cuchiu menasa esnan na e cas, y tambe ela menasa di kima e cas. Despues Yunyun a pone cuchiu na garganta di un yiu homber y a menase, esaki a pone e homber su fuse bula y a pasa man pa coy un revolver di aire cu kaliber di kelki y a tira riba Junjun. Mesora polis a detene Yunyun y ora cu nan a tende e storia nan a dicidi di detene e yiu homber cu a saka arma y tira riba Yunyun como defensa propio, e na su turno a admiti esaki y a sali naturalmente na defensa di su famia, mirando cu tabatin un señora na estado y un mucha cu mester a presencia tur e agresividad aki.