Auto horta di Total Cleaning a ser haya Totally Dismantled riba Seroe di Santa Martha

Diahuebs mainta a drenta informe di cu tin un auto completamente desmatela riba e seroe di Santa Martha, mesora a dirigi un patruya na e sitio. Na yegada di e patruya a bin constata cu e auto Toyota Yaris blanco A50965 di Total Cleaning tabata casi completamente desmantela. Ta trata aki di un auto cu a ser horta durante madruga for di un cas na Wayaca. E investigadornan tecnico di polis a presenta na e sitio pa asina inicia cu e investigacion colectando vingerprintnan riba e auto.