Chofer burachi a ocasiona accidente frontal na Palm Beach y a resulta herida den esaki

Diasabra anochi a drenta informe di un accidente cu hende herida na Palm Beach banda di Lekker, mesora a dirigi tanto polis como ambulans na e sitio. Na yegada di e patruya a bin compronde cu e chofer di e auto blanco tabata bao influencia di alcohol bayendo direccion pariba a hala bay na e banda robez di e caminda y a dal frontal riba e trafico di direccion contrario. E impacto tabata fuerte y e chofer di e auto blanco a resulta herida, na yegada di ambulans nan a atende y a transporte pa hospital.