Premier di e Workshop " May The Fierce Be With You" organisa pa Grupo di Baile Amorri

Diasabra atardi a tuma lugar na Fort Zoutman e Premiere di e Workshop " May The Fierce Be With You", organisa pa Grupo di Baile Amorri, bou direccion di Kevin Gumbs. Grupo di Baile Amorri ta organisa e workshop aki pa nos hobennan di Aruba y lo tuma lugar durante e luna aki. Den e workshop aki " May The Fierce Be With You" e hobennan lo haya oportunidad pa siña e technicanan di Ballet clasico, baile moderno y Hiphop/BBoy. E workshopnan aki lo tuma lugar na Cas di Cultura y lo cuminsa Dialuna awor dia 9 di Juli te cu Diadomingo 15 di Juli . E orarionan di e workshop ta; Ballet Clasico: 10:00 am-11:30 am, Baile Moderno: 12:00 pm - 1:30 pm y Hiphop/ BBoy: 2:00pm - 3:30 pm. Na final di e workshop tur participante lo haya un certificado di participacion. E workshop ta bou di guia di 4 studiante di Dans Academie Utrecht for di Hulanda. E Workshop aki ta ser sostene pa UNOCA y Team Tram0712. Pa mas informacion por tuma contacto cu Crystal Brown na telefon 5604891 of por manda un email tramteam0712@hotmail.com.