Polis a haya nan mes ta atende un caso di sonambulo ta cana riba caya den oranan di madruga

Dialuna marduga a drenta informe di un persona canando memey caminda dilanti Aruba Bank bayendo direccion Piedra Plat. Dos chofer atento a actua mes ora kite for di caminda y a wante te ora Polis a yega. Si e persona nan aki no actua na tempo lo por a papia di un accidente cruel mirando con un pick up a bay abao cu velocidad halto un rato despues.

Segun nos por a compronde e persona aki un Filipino den su mente ta baño e ta bayendo pa bay orina, dus ela sali na soño for di su cas y ta bayendo baño. E persona aki lo ta un PAAZ patient. Na jegada di Polis nan a hibe su cas caminda su casa tawata buskando e desesperadamente. Nos a bin compronde cu e marduga aki tawata su di 3 biaha cu ela bay, pero cu e biaha aki e tabata sonambulo esta den soño e ta pensando cu e ta bay baño. Dos pia prome parse ela bay caba y ora ela jega bek e tabata tur na sumpiña full rasca y na sanger. E señora y e jiu homber cu a jega un rato despues a conta nos reportero nan cu e meneer aki esta nan famia tin mas di 20 aña aki na Aruba, y cu su tata a traha diferente caminda antes y tabata bon bon. Segun e jiu e tata tabata traha hopi duro y kizas no tabata cuida su salud y asina ela keda bay atras. E señora a bisa tambe con poco poco ela wak su casa bay atras y haña problema nan mental y cu niun instancia tabata kere loke e ta bisa. E persona aki door di su estado mental a hañe den problema un par di luna atras na Paradera mes caminda cu Recherche a detene, y despues aparentemente ora a wak cu e no ta den un estado mental stabiel a ser hiba PAAZ caminda ela keda interna pa lunas. Te cu algun siman atras ela sali bek.

Sigur un caso hopi fastioso cu e señora mester deal cu ne. E señora ta sufri hopi door di e estado di salud di su casa y a bisa tambe cu Sociale Zaken ta na altura pero cu ta un caminda di cruz pa haña e ayudo prome cu ta laat. E señora kiermen te hasta e casa sa bira razo cu ne den cas dus un situacion peligroso tambe pa e señora su seguridad.

E señora y jiu e keda di tuma contacto cu Sociale Zaken un biaha mas awe.