Caminda muha ora di brake a pone s.u.v. slip bay dal tras di auto manda e auto dal un otro

Diamars mainta a drenta informe di un accidente cu hende herida na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu un pickup bayendo nort a bay pa bira bay na man robez y e Toyota Tercel blauw su tras a logra para na tempo pero e Ford Explorer blanco a brake slip riba e caminda muha purba desvia na man drechi pero asina mes a "fishtail" dal e parti drechi patras manda e auto bay otro banda di caminda dal den un otro auto un Toyota Tercel blanco di direccion contrario. Na yegada di ambulans nan a atende ambos dama di e Tercelnan pero no tabata necesario pa hibanan hospital.