Kapmento cu machete den un restaurant na Oranjestad, na yegada di polis tur 2 a bay

Diamars merdia a drenta informe di un caso di kapmento cu machete den un restaurant na Oranjestad, mesora a dirigi un patruya na e sitio. Na yegada di e patruya a bin compronde cu enberdad un hende a drenta cu un machete y a bay den direccion di un cliente cu tabata comiendo den e restaurant, eynan a astart un pleitamento y despues e cliente a busca manera di sali patras pero e agresor a bay pa cap e victima na su cabez pero e victima a blokia e machetazo aki cu su brasa y a haya un corta basta grandi na su braza y a sigui busca manera pa protege su mes y a core bay lagando su bicileta atras. Un choller cu a bay yuda e victima a pasa man pa e bicicleta y a busca e victima hibe na Avenida Alo Tromp unda eynan despues a subi un auto particular y a bay direccion hospital mientras e agresor mes a bandona e sitio tambe. Segun informacion cu nos a ricibi e victima lo ta un tal "Menor" of "Menudo". E investigadornan tecnico a presenta mesora na e sitio y a inicia cu nan investigacion.