Yiu a bira rebelde manda auto den cas di su mama y ora polis a yega ela core, su tata y ruman a ser deteni

Diaranzon madruga a drenta informe di un pleito familiar na un cas na Paradera, mesora a dirigi un patruya na e sitio. Na yegada di e patruya nan a haya nan mes bombardea cu baranca cual a bay dal e patruya causando un deuk, mesora a pidi refuerzo. A bin resulta cu un homber a bay reclama su mama cu a laga e muher cu e tin yiu cune drenta den e cas pa coy pañanan di e baby. E yiu a discuti te rabia y a bay manda e auto den e porta di cas destruyendo e muraya manera por mira riba e fotonan. Na yegada di e polis ela menasanan cu cuchiu y a manda baranca riba auto di polis, y despues a core drenta mondi mientras polis a bay tras di esun cu a core e refuerzo a yega y un ruman di menor di edad a lanta contra polis y a ser deteni. E tata mes a insulta tur hende eybaonan incluyendo polis y faltando respet a pusha hala e auto cual a ser usa como arma, e tata tambe a ser deteni y a ser hiba warda di polis. Mirando e seriedad di e caso a solicita e investigadornan tecnico pa bini y saca algun foto como muestra di destruccion y e intento di asesinato cu arma.