Polis a los tiro di advertencia pa hobennan cu tabata core cu auto horta den Bubali y a detene 3 di nan

Diaranson atardi pa mas o menos 6or pasa Polis ta haya un informacion di cu algun joven ta cu un auto v-car 514 Kia Picanto Blanco, ta haciendo maniobranan banda di e veld di Bubali, mesora cu e informe aki a drenta a corda cu e vehiculo aki a ser horta y a dirigi varios patruya na e sitio. Na yegada di e prome patruya nan a nota cu den auto aki lo tabata tin como 5 joven cu manera nan a wak polis nan a spart den diferente direccion e agente a los un tiro di advertencia cual 2 di e hobenan a dal para di biaha mientras e otronan a sigui core. Despues di un buskeda rigoroso y cu ayudo di e Helicopter nan ta bin encontra 1 mas. Nan lo a baha y cuminsa core drenta mondi den vecindario. Polis a logra pone man riba 3 di nan en total y awor despues cu e 3 nan aki canta polis lo logra captura e otronan cu a core bay. Mester bisa cu casi tur ya ta conoci pa Polis. Ta trata aki di jovennan cu no ta bay skol mas y ta busca maldad pa haci. E auto aki lo a ser horta algun dia prome, riba e fotonan por mira con nan a destrui e switch di start di e auto pa por a horte y bay cune.
Na momento di un di e detencionnan un dama a yega cerca y di e polis y tabata reclama y stroba polis y hasta a reclama nos colaborador cu tabata filma y saca potret. E comentarionan cu e dama a haci eybao dilanti di e un di e sospechosonan nan ey ta locual ta pone cu e jovennan aki ta sigui cu tipo di ladronicianan aki. Señora si abo no por controla bo yiu y lante cu normanan y balor y siñe respeta propiedad di otro, ta un criminal bo ta creando.
Nos pregunta dicon e mayornan aki no ta puntra di unda nan a haya un v-car? Ningun no ta bay skol mas unda nan ta haya placa pa huur un auto? E problema social aki ta alarmante algo mester wordo haci prome cu ta laat. Nos tin te hasta entendi cu esun na polo blauw ta un joven bastante problematico y tambe cu lo por haci otro persona un daño of causa daño na su mes. Gobierno mester actua awor y no warda te ora e baca hoga, corda un biaha mas cu tur ta conoci di Polis dus nan ta cay sera y ta sali haci mescos of pio. E potretnan ta papia pa nan mes. Wak e gesto nan cu ta haci ora di wak prensa pa nan ta mane un aventura.