Motociclista a perde control y a baha caminda bay dal riba un mata di kwihi na Pos Abao

Diaranzon atardi laat a drenta informe di un accidente cu hende herida na Pos Abao, mesora a dirigi tanto polis como ambulans na e sitio. Na yegada di e patruya a bin compronde cu debi na velocidad halto e motociclista lo a perde control baha caminda y a bay dal riba un mata di kwihi. E impacto tabata fuerte y e motociclista a resulta herida, na yegada di ambulans nan a atende y a transporte cu urgencia pa hospital.