Accidente di cadena entre 3 auto na e cruzada di luznan di trafico na Noord

Diahuebs atardi a drenta informe di un accidente na e cruzada di luznan di trafico na Noord, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena unda tabata tin 3 auto envolvi. E chofer di e auto mas atras no a regula su velocidad y ni a mantene distancia a bay dal tras di e auto su dilanti y consecutivamente esey a bay dal tras di e otro. Afortunadamente ningun hende a resulta herida.