Chofer bao influencia di alcohol a ocasiona un accidente cu hende herida pariba di Centro di Justicia

Diabierna anochi a drenta informe di un accidente cu hende herida na Macuarima net pariba di Centro di Husticia, mesora a dirigi tanto polis como ambulans na e sitio. Na yegada di e patruya a bin compronde cu e chofer di e auto Chevrolet Aveo cora A51977 bayendo pariba tabata coriendo bao influencia memey di caminda y a bay te na e otro banda di caminda, for di direccion contrario tabata bini un dama chofer di e auto Hyundai Accent cora A6972 cu a nota e chofer otro banda di caminda y a purba desvia un inpacto frontal pero e impacto tabata inevitable na banda di e auto. Door di e impacto e glas di e spiel banda di chofer a bula bay dal e frente di e dama mientras e housing di e spiel a pasa den e auto di e chofer bao influencia y a bay dal e glas di e banda drechi destrui esaki y cay pafo. Polis cu a nota e chofer tabata bao influencia mesora a detene y a hibe na warda pa test. E dama chofer di e otro auto a tabata sangra y na yegada di ambulans nan a atende.