Accidente basta fuerte na cruzada di Pos Abao pa bay Hato

Diabierna anochi a drenta informe di un accidente na e cruzada di Pos Abao, mesora a dirigi un patruya na e sitio. Na yegada di e patruya a bin compronde cu un Toyota Corolla blanco a sali di pazuid pa subi caminda pe bira bay pabao y e ta dal den un otro Toyota Corolla shinishi V 5011, cu tabata riba e caminda principal di rotonde Sasaki bayendo HATO. Segun e chaufeur di e Toyota Corolla Blanco un poco pabow di e cruzada tabata tin un pickup staciona cu tabata stroba su bista pa subi caminda y aparentemente e V car tabata biniendo cu velocidad basta halto. No tabata tin heridos pero si hopi daño material y a pidi takelwagen pa hiba e autonan.