Doño di auto a gaña polis djies pa tapa algo sospechoso, e ta gaña su mes!

Diadomingo mainta a drenta informe di un accidente na e cruzada banda di R.C.A., mesora a dirigi un patruya na e sitio. Na yegada di e patruya a bin compronde cu tanto e chofer como tambe 2 dama bisti cu uniform di AM Laundry, despues di e accidente a core bay laga e auto atras. Un rato despues di cu nan a core bay e doño di e auto a presenta na stuur di un vehiculo s.u.v. y a declara na polis cu desconocidonan a bay cu e vehiculo sin su permiso, ademas ela agrega cu ela bini na e sitio na pia (mientras esey ta un mentira ya cu ela sconde e s.u.v. den e area). Polis no a confia e asunto mucho y a confisca e auto Toyota Cressida A12184. Na final ora cu polis a bay e ora e doño di e auto a cana bay den cercania y subi e vehiculo s.u.v. cu cual ela bini cune.