Polis mester a interveni den pelea di pareha cu a bay over na destruccion

Diadomingo madruga a drenta informe di un problema entre pareha na un compleho di apartamento na Cumana, mesora a dirigi un patruya na e sitio. Na yegada di e patruya a bin compronde cu a start un discucion entre un pareha y esaki a bay for di man, e windshield di e auto di esun masculino a ser destrui y te hasta aparentemente na un dado momento lo tabata tin sakamento di machete. Varios patruya di polis a dirigi nan mes na e sitio. Polis a intermedia, y a papia cu e partidonan envolvi, y a avisa e homber cu e no mag di yega na e adres aki mas y si e yega tog, e lo ser deteni di inmediato. Tambe polis a bise cu Dialuna e por bay entrega keho di e destruccion di su windshield. No ta prome biaha cu ta pidi asistencia di polis na e compleho di apartamento aki. E cas berde riba e fotonan no tin nada di haber cu e problema, e problema ta na e compleho di apartamento panord di e cas berde.