Polis a bay atende cu un grupo di pasajero Venezolano cu a exalta na General Aviation na airport

Diadomingo merdia a drenta informe di cu tin un problema andando na General Aviation na Airport na Bucuti, mesora a dirigi un patruya an e sitio. Na yegada di e patruya a bin compronde cu aki ta trata di un problema entre e oficialnan di Immigracion y algun pasahero procedente di Venezuela. Informacion nan ricibi ta indica cu a start un bululu cu gritamento formal y pesey a solicita presencia di polis pa pone ordo na e sitio.