Dama motociclista herida den un accidente na Parkietenbos

Diadomingo anochi a drenta informe di un accidente cu hende herida banda di dump na Parkietenbos, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un brommer na altura di e brug banda di dump. Ta asina cu un motociclista femenino, a baha e bahada banda di e brug y ta slowdown pa bira na su man drechi. E chofer di e auto su tras no a pone tino cu e brommer a slowdown pa bira, y a dal patras di e brommer, poniendo e motociclista perde control y bay cay un poco mas dilanti. E motociclista a keda levemente herida. Na yegada di ambulans nan a atende y a transporte pa hospital.