Opinion: Projecto di tram ta e criminal cu a mata y lo sigui mata comercio den centro di Oranjestad ?

Ta varios comentario nos a bin ta ricibi for di comunidad cu e projecto di tram den Oranjestad ta un projecto cu a bini pa caba cu comercio den Oranjestad. Puntra cual comerciante cu bo kier y nan lo afirma cu esaki ta e caso. Tin cu ta pensa cu e nomber di e caya ta locual a inspira mentenan robez pa ehecuta e projecto cu na final no lo trece bida den e area comercial aki. Tin cu ta papia di cu awor ningun auto lo por pasa den e caya aki mas y cu peatonnan lo mester pone hopi mas atencion ora di crusa e caminda, mayornan mester tene hopi mas atencion na muchanan cu core cruza. Algun otro ta curioso pa sa ta ken lo paga pa e tram aki?, ken lo haya e pagonan cu posibel pasaheronan cu aborda lo paga? Asina tin hopi pero hopi mas comentario. E algun comerciante cu ainda a keda den e caya Tram aki tin hopi preocupacion pa e futuro di nan negoshi cu ya caba no por carga e situacion aki mas. Ta ken lo bay paga pa e miyonesnan aki cu algun gobernante si ningun estudio adelanta a core inicia cu un projecto cu ni siquiera a haya aprobacion den parlamento y ni tabata presupuesta. Esaki ta maneho decabeya e irresponsable.