Na Camacuri accidente cu hende herida y pega den e auto

Diamars mainta a drenta informe di un accidente cu hende herida y pega den auto na Camacuri, mesora a dirigi polis, ambulans como tambe e equipo di recate di bombero. Na yegada di e patruya abin compronde cu e Kia preto A 37804 bayendo pariba a lora dilanti di e pickup Mitsubishi A 766 cu e intencion di drenta e parkinglot di General Store. E impacto tabata asina fuerte, cu e chofer di e KIA a keda pega den e auto. Na yegada di ambulance nan a atende e dama cu tabata pega den e auto mientras na yegada di e equipo di recate di bombero nan a corta un porta di e auto, pa asina por a libera e dama cu tabata pega den e auto. E dama a dal su cabez hopi duro na e windshield te kibre, despues cu brandweer a libera e dama, personal di ambulans a atende y a transporte cu urgencia pa hospital. Tambe e chofer y e ocupante di e Pickup despues di a ser atendi pa ambulans tambe a ser transporta pa hospital.